Қазақстанда 47 мыңнан астам волонтер тіркеліп, 3 мыңнан астам ұйым жұмыс істеуде

Волонтерлікті дамытудағы ең маңыздысы – мемлекет пен қоғамның бірге жұмыс істеуі. Елімізде волонтерлікті дамыту мақсатында бірқатар қадамдар жасалды. Бұл туралы Орталық коммуникациялар қызметі алаңында өткен брифингте Азаматтық қоғам істері комитетінің төрағасы Мадияр Қожахмет мәлімдеді. Оның айтуынша, «Birgemiz» волонтерлердің Республикалық Фронт-офисі және оның 17 өңірлік офисі сипатында инфрақұрылым құрылды. Бұл барлық еріктілер ұйымдары мен топтарын біріктіруге мүмкіндік берді.