ҚР Энергетика министрлігі: қоймаларда 5,6 млн тонна көмір жиналды

Қазіргі жылыту маусымы тұрақты өтіп жатыр. Туындаған технологиялық ақаулар белгіленген нормативтік мерзімдерде жойылуда. Биыл электр станцияларында 10 энергоблок, 63 қазандық және 39 турбинаны жөндеу жоспарланған. Бүгінгі күнге дейін 9 энергоблок, 56 қазандық және 37 турбинаны жөндеу аяқталды – бұл жылдық жоспардың шамамен 95%-ын құрайды. Бұл туралы ҚР Энергетика министрлігінің Мемлекеттік энергетикалық қадағалау және бақылау комитеті төрағасының м.а. Илья Рожков ОКҚ алаңында өткен баспасөз конференциясында хабарлады.