Алматы облысында қоғамдық қауіпсіздік мәселесіне баса назар аударылуда

Алматы өңірінде полиция қызметкерлерінің жұмыс сапасын арттыру мақсатында қаржыландыру көлемі жыл сайын өсіп келеді: 2022 жылы – 8,9 млрд теңге болса, биыл екі есе артып, 17,8 млрд теңгеге жетті. Материалдық-техникалық базасы кезең-кезеңімен нығайтылуда. Алматы облысының әкімі Марат Сұлтанғазиев ОКҚ алаңындағы брифингте хабарлағандай, ағымдағы жылы 32 бірлік қызметтік автокөлік пен арнайы құралдар сатып алынды. Өткен жылы ғана тұрғын үймен біріктірілген полицияның 12 учаскелік пункті пайдалануға берілді, тағы 31-ін 2028 жылға дейін салу жоспарлануда. Полиция органдарындағы кадр тапшылығы 600-ден 200-ге дейін қысқартылды.