Биыл ауыл шаруашылығы саласына қаражат тарту үшін көп жұмыс атқарылады

Өсімдік шаруашылығындағы әртараптандыру негізінен қағаз жүзінде жүреді. Елдің негізгі астық егетін аймақтарында бидай өсіруге басымдық беріледі. Салдарынан әлемдік нарықтардағы бағаның өзгеруі бұл секторға және топырақтың сапасына кері әсерін тигізеді. Егіс алқаптары мен тәуекелдерді әртараптандыру керек, яғни жоғары табыс әкелетін, сұранысқа ие дақылдар өсіру қажет. Сондай-ақ егіс алқаптарын ауыстырып отырған жөн. Алайда, әзірге бұл жұмыстың қарқыны төмен. Мемлекет басшысының ауыл шаруашылығының жалпы өнімінің көлемін ұлғайту жөніндегі тапсырмаларының орындалу барысы туралы ОКҚ алаңында ауыл шаруашылығы министрі Айдарбек Сапаров айтып берді.