Жыл сайын 13 мыңнан астам ЖКО болады

Еліміздің жолдарында азаматтардың өмірі мен денсаулығын сақтау – полиция органдарының басым міндеттерінің бірі. Оны іске асыру үшін жол қауіпсіздігі деңгейін арттыруға бағытталған ұйымдастырушылық, практикалық және құқықтық шаралар кешені қабылданады. Бүгін Орталық коммуникациялар қызметі алаңында өткен брифингте ҚР ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова «Қауіпсіз жол» республикалық жедел профилактикалық іс-шарасының қорытындысымен таныстырды.