2023 жылы 28,2 млрд текше метр тауарлық газ өндіру жоспарланған

2022 жылдың қорытындысы бойынша газ өндіру көлемі 51,7 млрд текше метр немесе 2021 жылға қарағанда 96,1% деңгейінде күтілуде. Газ өндірісінің төмендеуі мұнай өндіру деңгейінің төмендеуімен байланысты, өйткені елдегі газ мұнаймен ілеспе болып табылады. 2023 жылға арналған газ өндіру жоспары 53,5 млрд текше метрді құрайды. Жыл қорытындысы бойынша тауарлық газ өндірісі 27,6 млрд текше метр немесе өткен жылға қарағанда 93,9%-ды құрайды. Энергетика министрі Болат Ақшолақов ОКҚ-да өткен брифингте осындай көрсеткіштерді атап өтті.