Былтыр 38 студент халықаралық конкурстардың лауреаты атанды – Арман Жүдебаев

Құрманғазы атындағы Қазақ ұлттық консерваториядағы жоғары кәсіби білікті - Қазақстан халық және еңбек сіңірген артистері, профессорлары мен доценттері еліміздің музыкалық рухани құндылықтарының іргеленуімен өркендеуіне әрдайым зор үлесін қосып келеді. Олар ғылыми-практикалық конференциялар мен шығармашылық жобаларға қатысу және біліктілікті арттыру курстарында оқу арқылы өздерінің кәсіби шеберліктерін үнемі арттырып отырады. Бұрын оқытушылардың орташа жалақысы шамамен 235 мың теңгені құраса, қазір орта есеппен айлықтары 383 мың теңгеге жетті. Ұстаздар жаңа оқу жылы қарсаңындағы қайта есептеу кезінде орта есеппен 1 млн теңгеден алды. Бұл туралы Орталық коммуникациялар қызметі алаңында ЖОО ректоры Арман Жүдебаев мәлімдеді.