БҚО-да жаңа жобаларда 800 тұрақты жұмыс орны ашылады

Осы жылы Батыс Қазақстан облысында 800-ге жуық тұрақты жұмыс орнын құрумен жалпы құны 230 млрд теңгеге 21 жобаны іске қосу жоспарланған. Оның ішінде ірі бизнес инвестициялары - құны 212,4 млрд теңге болатын 4-ші газды кері айдау компрессорын іске қосу. ШОБ жобалары негізінен мұнай сервисімен, агроөнеркәсіптік кешенмен, денсаулық сақтаумен байланысты. Бұл туралы Орталық коммуникациялар қызметі алаңында өткен брифингте өңір басшысы Ғали Есқалиев мәлімдеді.