Медициналық жабдықтарды орталықтандырылған сатып алу. Биыл ДСМ Президент тапсырмасының бірінші кезеңін іске асыруға кіріседі

2021 жылы Денсаулық сақтау министрлігі денсаулық сақтау ұйымдарындағы жабдықтарға ауқымды түгендеу жүргізді. Жабдықталу деңгейі 83%-ды құрады, жабдықтың тозуы 49% - ға жуық. Жергілікті жерлерде медициналық техника сатып алу тетігінде де проблемалар бар. Яғни, аталған рәсімдер қағаз тасығыштарда жүргізіледі, ұқсас жабдықты сатып алу кезінде бағалардың шашыраңқылығы орын алады. Сондықтан, ҚР Президентінің тапсырмасына сәйкес «СК-Фармация» ЖШС арқылы медициналық техниканы орталықтандырылған сатып алуға көшу бойынша жұмыстар жүргізілуде. Ол 2 кезеңмен жүзеге асырылады. Жұмысты орындау мерзімдері мен әдістері туралы дәрі-дәрмек саясаты департаментінің директоры Бауыржан Жүсіпов Орталық коммуникациялар қызметі алаңында сөйлеген сөзінде айтып берді.