ҚР ҚМ: Әскери доктринаны қайта әзірлеу жұмысы жүргізілуде

Мемлекет басшысы Жоғарғы Бас қолбасшы Қарулы Күштерді реформалаудың басты міндетін нақтылап, оның мақсаты армияның жауынгерлік әзірлігін арттыру екенін атап өтті. Негізгі қағидат пен тәсіл Ұлттық қауіпсіздік стратегиясында айқындалған, ал реформалау бағыты Қарулы Күштердің құрылысы мен даму тұжырымдамасында жазылған. Бұл туралы Орталық коммуникациялар қызметі алаңында «ҚР Қарулы Күштеріне 30 жыл» тақырыбына арналған брифинг барысында ҚР Қорғаныс министрінің орынбасары генерал-лейтенант Сұлтан Камалетдинов мәлімдеді.