Бидайға баж салынса, баға көтеріліп, шетелдік нарықтардан айырыламыз – АШМ

Қазақстанда бидай экспортына баж салығы салынуы мүмкін бе? Диірмен де, бидай да жеткілікті, бірақ шетелге экспортталып жатыр. Бидай өзіміздің диірмендерде тартылса, жем де, ұн да болады, өңделген өнім де экспортталады. Осы мәселе қалай қаралып жатыр? Орталық коммуникациялар қызметінде өткен брифингте журналистер АШМ өкілдеріне осындай сұрақ қойды. Ведомство басшысы Ербол Қарашөкеевтің айтуынша, бидайға баж салынса, баға көтерілуі салдарынан шетелдік нарықтардан айырыламыз. Бұл сұраққа толығырақ ҚР АШМ Аграрлық азық-түлік нарықтары және ауыл шаруашылығы өнімін қайта өңдеу департаменті директорының м.а. Назгүл Хатепова жауап берді.