Креативті индустрияны дамыту ұлттық мәдениетті ілгерілетудің басты құралы болуы тиіс – Б. Нүсіпжанова

Тарихи-мәдени мұра – әр халықтың ғана емес, бүкіл адамзаттың баға жетпес, таптырмас игілігі. Қазақстан Республикасының тәуелсіздік алған жылдарында тарих пен мәдениет ескерткіштерінің сақталуын қамтамасыз ету жаңа көзқарас пен жаңа тетіктерді талап етті. Елбасы Нұрсұлтан Назарбаевтың бастамасымен 2004-2011 жылдар аралығында «Мәдени мұра» бірегей мемлекеттік бағдарламасы әзірленіп, жүзеге асырылғанын атап өту маңызды, бұл тарихи-мәдени мұраның кең ауқымын жүйелеуге және айналымға енгізуге мүмкіндік берді. Бұл туралы Орталық коммуникациялар қызметінде өткен брифингте Өнертану кандидаты, профессор, Қазақ ұлттық хореография академиясының бірінші проректоры Нүсіпжанова Бибігүл мәлімдеді. «Мәдени мұра» Қазақстан тарихында бұрын-соңды болмаған жемісті гуманитарлық акцияға айналды. Халықтың бай әлеуеті көрсетілді, ұлттық мәдениет пен ғылымды жаңа деңгейге көтеруге мүмкіндік беретін баға жетпес тәжірибе жинақталды.