7 учаске бойынша ақылы жүйені енгізу туралы бұйрықтар күшіне енді

Ағымдағы жылдың 1 қазаны мен 15 қарашасы аралығында 4 жолақты қозғалысы бар, бірінші санаттағы республикалық маңызы бар автожолдардың 7 учаскесінде жол жүру үшін ақы алу жүйесіне қорытынды тестілеу жүргізілген болатын. Атап айтсақ, бұл «Нұр – Сұлтан – Павлодар», «Қапшағай – Талдықорған», «Тараз – Қайнар», «Шымкент – Тараз», «Шымкент – Қызылорда», «Шымкент – Ташкент», «Щучинск-Көкшетау» учаскелері. Орталық коммуникациялар қызметінде өткен брифингте ҚР ИИДМ автомобиль жолдары комитетінің төрағасы Төлеген Абдуллин ақылылық принциптері туралы баяндады.