COVID қарсы вакцина әйелдердің жүкті болуына, жүктілікке немесе ЭКО-ның нәтижелілігіне әсер етпейді – репродуктолог-дәрігер

«Аңсаған сәби» бағдарламасы бойынша клиникаларда ЭКО өткізу кезеңдері қандай? Бөлінген қаржы қайда жұмсалады? Орталық коммуникациялар қызметінде өткен брифингте медицина магистрі, репродуктолог-дәрігер, Нұр-Сұлтан қаласының «Экомед» клиникасының директоры Алмаз Ибрагимов осы жайлы баяндады. Оның айтуынша, емделуші орталыққа келгенде дәрігерлер оны тексеріп, қандай әдістің тиімдірек болатынын анықтайды. Бұл бағдарлама бойынша негізгі 4 түрлі емдік әдіс қаржыландырылады. Атап айтқанда, қысқа аналық бездерді ынталандыру бағдарламасы бойынша классикалық ЭКО немесе егер ер азамат жағынан көрсеткіштер бар болса, осы аналық бездерді ынталандыру бойынша қосымша ICSI әдісі, сондай-ақ, ұзын аналық бездерді ынталандыру бойынша классикалық ЭКО немесе ICSI әдісі. Аналық бездерді ынталандыруға қажетті дәрілік заттарға жұмсалатын қаржы емдік шараның 50-60% құрайды.