Тұрғын үйде 158 мың өрт қауіпсіздігі талаптарын бұзу жағдайы тіркелді - ҚР ТЖМ Өртке қарсы қызмет комитеті

Қазіргі уақытта 107 мыңнан астам тұрғын үй есепке алынды, олар жүз пайыз аралаумен қамтылып, шамамен 400 мың адамға нұсқау берілді. Профилактикалық жұмыстар автономды жылыту жүйелері бар үйлердің тұрғындарымен жалғасуда. Бұл туралы Орталық коммуникациялар қызметінде өткен брифингте ҚР ТЖМ Өртке қарсы қызмет комитетінің төрағасы Нұрболат Дербісов мәлімдеді. Жалпы, аралау барысында ТЖМ қызметкерлері 764 мыңнан астам тұрғын үйді қамтыды, алайда 51 мың үйдің тұрғындары тексеру мен кеңес беруден бас тартты. Әкімдік өкілдерімен бірлесіп 71 мың үйге бару жүзеге асырылып, 747 мың азаматқа нұсқау берілді.