Сот жүйесі биліктен тәуелсіз болады –А.Сәдуақасов

ҚР Жоғарғы Сотының ресми өкілі Айдос Сәдуақасов Орталық коммуникациялар қызметінде өткен брифингте сот жүйесінде орын алатын өзгерістерге тоқталды. Мәселен, қылмыстық процесс бойынша мемлекет басшысының тапсырмасымен қылмыстық сот төрелігінің үш буынды моделі енгізілуде: тергеу, прокуратура, сот. Мұндай модель азаматтардың конституциялық құқықтарын тиімді қорғауға және заңсыз қудалаудан құтқаруға мүмкіндік береді. Ең басты міндет – айыптау мен қорғаудың арасындағы шынайы жарыспалылықты қамтамасыз ету. Осы орайда жаңа тәсіл бойынша сотқа қазіргідей барлық істі емес, тек айыптау актісі мен қорғау актісін ғана беру ұсынылады.