«Qazaqstan Project Management Awards-2020» IPMA дүниежүзілік байқауының «Жылдың үздік жобасы» номинациясы бойынша алтын жүлде иеленді

Өткен жылы күзде өткізілген мемлекеттік басқарудағы жобалық менеджментті жетілдіру жөніндегі бірінші ұлттық конкурс пен Форум жобалық тәсілді қолдануды ынталандыру тәсілдерінің бірі және тәжірибе алмасу үшін жарыс алаңына айналып, бірқатар орталық және жергілікті атқарушы органдардың жобалық қызметінің белгілі бір кемелдігін көрсетті. Оларды өткізу жобалық басқару саласындағы халықаралық ұйымдар тарапынан оң пікірлермен атап өтілді. Атап айтқанда, жобаларды басқарудың халықаралық қауымдастығы (IPMA) бірінші ұлттық конкурс пен «Qazaqstan Project Management Awards – 2020» форумын өткізу бойынша жобаны 2021 жылдың мамыр айында IPMA «Global Project Excellence Awards» үздік жобаларының Дүниежүзілік конкурсына шығаруды ұсынды. «Qazaqstan Project Management Awards 2020» жобасының жетекшісі Марғұлан Жұмағалидің айтуынша, мұндай ұсыныс халықаралық сарапшылар қауымдастығының жоғары бағасын көрсетеді.