ҚР ҚМ: Фискалдық заңнаманы сақтау бойынша бағыттар күшейтілетін болады

Мемлекет басшысының Жолдауда бюджет кірісін ұлғайту бойынша берген тапсырмасын орындау үшін ауқымды жұмыстар жүргізілуде. Атап айтқанда, шағын және орта бизнестің жосықсыз субъектілерін көлеңкеден шығару, қолма-қол ақшасыз айналымдарды әкімшілендіру және фискалдық заңнаманы сақтау бойынша бағыттар күшейтілетін болады. Бұл ретте процестерді цифрландыруға басты назар аударылуда. Бұл туралы Орталық коммуникациялар қызметінде өткен брифингте ҚР ҚМ Мемлекеттік кірістер комитеті төрағасының орынбасары Жайдар Іңкәрбаев мәлімдеді.