Президенттік кадр резерві. pkrezerv.gov.kz арнайы интернет порталы әзірленді

Қатысушыларға қойылатын талаптар туралы ақпарат ұсынылған Жалпы ережемен кез келген адам таныса алады. Онда Президенттік кадр резервіне іріктеу кезеңдері мен мерзімдері көрсетілген. «Жоба туралы» бөлімінде іріктеу тәртібі мен әрбір кезеңде қатысушыларды іріктеу критерийлері бар. Кеңесшілерге хабарласпас бұрын «жиі қойылатын сұрақтар» бөлімін оқып шығыңыз. «Мемлекеттік қызмет персоналын басқару ұлттық орталығы» АҚ Бас директоры Кенжебек Санабаев Орталық коммуникациялар қызметінде өткен брифингте арнайы әзірленген порталдың функционалы бойынша осындай кеңес берді.