Соңғы 2 аптада барлық өңірлерде сырқаттанушылықтың 2,3 есеге өскені байқалады – А. Есмағамбетова

Әлемдегі эпидемиологиялық жағдай нашарлауда, пандемия басталғаннан бері КВИ-дің 189 миллионнан астам жағдайы тіркелді. Соңғы аптада ауырғандардың саны 2 есе көбейді (2 млн-нан 4 млн жағдайға дейін). 4 млн адам қайтыс болды. Дүниежүзілік денсаулық сақтау ұйымының мәліметтері бойынша дельта штаммның бұл түрі әлемнің 111 елінде кең таралған. Орталық коммуникациялар қызметінде өткен брифингте ҚР ДСМ санитарлық-эпидемиологиялық бақылау комитетінің төрағасы Айжан Есмағамбетова осындай мәліметтерді келтірді.