Кедергісіз. ПИК басшылары, құрылыс салушылар және МИБ пен ЖС келуіне кедергі келтіріп отырған басқа да тұлғалар жазалануы мүмкін

Еліміздегі эпидемиологиялық ахуалды ескере отырып, басқару нысанына дауыс беруді ақпараттандыру объектілері арқылы жүргізуге болады. Бүгінгі таңда Қазақстанда үйлерді басқару бойынша 10-нан астам ақпараттандыру объектісі жұмыс істейді, олардың кейбіреулері онлайн-режимде дауыс беруге мүмкіндік береді. Бұл туралы Орталық коммуникациялар қызметінде өткен брифингте «ТКШ ҚазОрталығы» АҚ төрағасының орынбасары Нұрбек Серіков хабарлады. Дауыс беру рәсімін жеңілдету үшін заң жобасында жазбаша сауалнама жүргізу мерзімін ұлғайту, қаржы мәселелері бойынша кворумның міндетті шегін төмендету, онлайн дауыс беру кезінде электрондық қол қою тәсілдерін кеңейту бойынша салалық заңға өзгерістер енгізіледі.