АӨК инвестициясының жалпы көлемі жоспарлы мәннен үштен бірге асып түсті - Ауыл шаруашылығы министрі

Былтыр 20 млн тоннадан астам дәнді және дәнді-бұршақты дақылдар бастырылды. Лицензияланған астық қабылдау кәсіпорындарына тапсырылған жалпы бидай көлемінің 80%-ы 1-3-сыныптарға жатқызылды. 2019 жылы бұл көрсеткіш 50%-ды құраған. Тиісінше, 4-сыныпты бидайдың үлесі 2019 жылғы 27,7%-дан 13,4%-ға, ал 5-сыныпты бидайдың үлесі 10,7%-дан 5%-ға төмендеді. Ауыл шаруашылығы министрі Сапархан Омаров Орталық коммуникациялар қызметінде халық алдында есеп беру кездесуінің қорытындысы бойынша өткен брифинг барысында осындай көрсеткіштерді жария етті. Оның айтуынша, өткен жыл нәтижелі болды.