Былтыр қазақстандықтарға зиянды еңбек жағдайларында жұмыс істегені үшін 141 млрд. теңге мөлшерінде түрлі өтемақы төленді

Қауіпсіз еңбек жағдайларын жасау және өндірістік жарақаттануды төмендету ҚР Үкіметінің және ЕХӘҚ министрлігінің негізгі міндеттерінің бірі болып табылады. Қабылданған шаралардың нәтижесінде соңғы 5 жылда, дәлірек айтқанда 2016-2020 жылдар аралығында өндірісте зардап шеккендердің саны 10,7% (оның ішінде 1683 адамнан 1500 адамға дейін), оның ішінде қайтыс болғандар саны 16,2% төмендеген. Бүгін Орталық коммуникациялар қызметінде өткен брифингте ЕХӘҚ министрлігінің Еңбек, әлеуметтік қорғау және көші-қон комитеті төрағасының орынбасары – ҚР Бас мемлекеттік еңбек инспекторы Төлеген Оспанқұлов осындай мәліметтерді жария етті.