2020 жылы АӨК өнімдерінің экспорты 1,5 еседен астам ұлғайды

ЕАЭО туралы шартқа сәйкес келісілген агроөнеркәсіптік саясат іске асырылуда, оның мақсаты мүше мемлекеттер субъектілері арасындағы әділ бәсекелестікті қамтамасыз ету, ресурстық әлеуетті тиімді іске асыру, ортақ аграрлық нарыққа қол жеткізудің тең жағдайларын жасау болып табылады. Барлығы 7 басым бағыт бар, олардың әрқайсысы бойынша белгілі бір атқарымдар бар. Мысалы, АӨК-те орта мерзімді перспективаға арналған тұтас болжамдау жүйесі қалыптасты, тұқым мен асыл тұқымды өнім өндіруге және айналысына қойылатын талаптарды біріздендіруге бағытталған екі салалық келісім қабылданды, экспортты дамыту саласында келісілген іс-қимылдарды қалыптастыру бойынша жұмыс жүргізілуде, 6 техникалық регламент қабылданды, 2 техникалық регламент пысықтау сатысында қабылданды. Бұл қадамдар қазірдің өзінде оң нәтиже беруде. Бұл туралы Орталық коммуникациялар қызметінде өткен брифингте ауыл шаруашылығы вице-министрі Руслан Манатаев мәлім етті.