ТЖМ табиғи өрттердің алдын алу шараларын жүргізуде

Еліміздің өңірлерінде табиғи өрттерді уақытылы анықтау үшін «Қазақстан Ғарыш Сапары» АҚ-мен ғарыштық мониторинг бойынша шарттар жасалды. Нәтижесінде республика көлеміндегі орман өрттерін дер кезінде анықтау мүмкіндігі пайда болды. Бұл бағыттағы жұмыстар жыл сайын жүргізіледі. Бұл туралы Орталық коммуникациялар қызметінде өткен брифингте Өртке қарсы қызмет комитетінің төрағасы Нұрболат Дербісов мәлім етті. Оның айтуынша Төтенше жағдайар министрлігі әкімдіктермен және мүдделі мемлекеттік органдармен бірлесіп, алдын алу шараларының жоспарын бекітті.