2020 жылы тұрғын үй құрылысына тартылған инвестициялар артты – ҚР ИИДМ

Биыл Қазақстан өз Тәуелсіздігінің 30 жылдығын атап өтуде. Бүгінде еліміз түрлі салаларда, соның ішінде құрылыс және тұрғын үй-коммуналдық шаруашылық саласында айтарлықтай табыстарға қол жеткізді. Осы уақыт аралығында 170 млн шаршы метрден астам жаңа тұрғын үй салынып, 1,6 миллионнан астам азамат тұрғын үймен қамтамасыз етілді. Бұл туралы ОКҚ алаңында өткен брифингте ҚР Индустрия және инфрақұрылымдық даму бірінші вице-министрі Қайырбек Өскенбаев мәлім етті. 2020 жылы республика бойынша 15,3 млн шаршы метр тұрғын үй салынды, 140 мыңнан астам тұрғынжай пайдалануға берілді.