Пандемияға қарамастан индустриялық дамудың негізгі көрсеткіштері бойынша оң үрдіс тіркелді

Индустрияландырудың үшінші бағдарламасын жүзеге асыру 2020 жылы басталды. Пандемияның салдарына қарамастан, өткен жылдың қорытындысы индустриялық дамудың негізгі көрсеткіштері бойынша оң үрдіс байқалады. Еңбек өнімділігі 4,4%, инвестициялар 3%, қосымша құны жоғары өнімдер экспорты 4,9% өсті. Жалпы, өңдеу өнеркәсібінде өндіріс көлемі өткен жылдың қорытындысы бойынша 3,9% өсіп, кәсіпорындар 13,1 трлн теңгеге өнім шығарды, бұл индустрияландыру басталғанға қарағанда 4,4 есе көп. ҚР ИИДМ өнеркәсіп саясаты департаментінің директоры Лаура Садыкова Орталық коммуникациялар қызметінде өткен брифингте осындай мәліметтерді жария етті.