Дүниежүзілік аутизм мәселесі туралы ақпарат тарату күні. Аутизм - үкім емес

БҰҰ шешіміне сәйкес, 2008 жылдан бастап 2 сәуір күні әлемде аутизммен ауыратын балалар мен ересектердің проблемаларына қоғам назарын аудару және олардың өмір сүру деңгейін жақсарту үшін жағдай жасауға үндеу мақсатында Аутизм туралы ақпарат тарату күні аталып өтіледі. Балалық аутизм – бұл 3 жасқа дейінгі жастық кезеңде білінетін, ауытқымалы және/немесе бұзылған дамудың болуымен, әлеуметтік өзара іс-қимыл, қарым-қатынастың және шектеулі, қайталанатын мінез-құлықтың барлық үш саласында ауытқымалы қызмет етуімен айқындалатын дамудың жалпы бұзылуы. Аутизм спектрінің бұзылуының (АСБ) себептері туралы бірыңғай тұжырымдама жоқ. Қазақстанда және бүкіл әлемде сырқаттанушылықтың өсуінен, денсаулық сақтау, білім беру және әлеуметтік қорғау ұйымдарының белсенді өзара іс-қимыл жасау қажеттілігіне байланысты АСБ аса өзекті болып отыр. Бұл туралы Орталық коммуникациялар қызметінде өткен брифинг барысында ҚР ДСМ ана мен бала денсаулығын қорғау департаменті директорының орынбасары Олжас Искаков баяндады.