Қазақстанда электр энергетикалық жүйенің жұмысы тұрақты – ЭМ

Жұмыс істеп тұрған энергия көздері Қазақстан экономикасы мен тұтынушыларының қажеттіліктерін қамтамасыз етуде. 2020 жылдың қорытындысына сәйкес ел бойынша электр энергиясын тұтыну 107,3 млрд. кВтсағ. құрады, отандық электр станциялары – 108 млрд. кВтсағ. электр энергиясын өндірді. Бұл туралы Орталық коммуникациялар қызметінде өткен брифингте ҚР Энергетика вице-министрі Қайрат Рахимов мәлімдеді. Оның айтуынша, электр энергиясын өндіруді әртүрлі меншік нысанындағы 179-дан астам электр станциясы, негізінен жеке меншік нысанындағы электр станциялары жүзеге асырады.