Қардың аз түсуіне байланысты биыл құрғақшылық болуы мүмкін – АШМ өкілі

Биыл қуаңшылық болуы мүмкін. Себебі қар аз болды, сондай-ақ, көршілес елдердің су қоймаларындағы су көлемі былтырғы деңгейден аз. Өткен жылы вегетация кезеңінде бірқатар қиыншылықтар туындағаны белгілі. Биыл да осындай жағдай орын алады деген болжам бар. Орталық коммуникациялар қызметі алаңында өткен брифингте Өсімдік шаруашылығы өнімдерін өндіру және қайта өңдеу департаменті, мелиорация басқармасының басшысы Медет Жәдігерұлы журналистің сұрағына берген жауабында осылай деді. АШМ бұл қауіптің алдын алу мақсатында тиісті шараларды қолға алды.