Азаматтардың өтініштерін «басқаларға бағыттау» тәжірибесі 1 шілдеден бастап жойылады

Тұтынушылардың құқықтарын қорғау департаментіне жүгінсек, бізді басқа ведомствоға жіберді. Бұл мәселемен тағы 8 мемлекеттік орган айналысады екен. Неге азаматтар бюрократиялық әуре-сарсаңға түсуі керек, бір мемлекеттік органға басқа әріптестерінен жауап жинау оңай емес пе? Орталық коммуникациялар қызметінде өткен брифингте журналистер осындай сұрақ қойды. Мемлекеттік қызмет департаментінің директоры Жарқын Тілеукенов бұл мәселе мемлекеттік басқарудың қабылданған тұжырымдамасында қамтылатынын жеткізді.