Биыл СҚО-да сүт өндіретін 8 заманауи кешен іске қосылады

СҚО аграрлық секторды дамытумен қатар мал шаруашылығында да елеулі нәтижелерге қол жеткізді. Бұл нәтижелер фермаларды жаңғырту, озық технологияларды енгізу және мал басын көбейту арқылы мүмкін болды. Ет өндірісі 68,5 мың тоннаны, сүт – 334 мың тоннаны, жұмыртқа – 530 млн дананы құрады. Сүт бағыты да белсенді дамып келеді. Облыс заманауи сүт кешендерін енгізу бойынша көшбасшы орынды сақтап отыр. Өңірде 110 сүт-тауар фермасы жұмыс істейді. Бұл еліміздегі барлық 373 ферманың 30%-ын құрайды. Солтүстік Қазақстан облысының әкімі Ғауез Нұрмұхамбетов ОКҚ алаңында өткен баспасөз конференциясында осылай деді.