Қазақстан инвестициялық ахуалды жақсарту жөніндегі шараларды күшейтуде

Қазақстан үкіметі ең үздік әлемдік стандарттарға сәйкес инвестициялық ахуалды және инвестицияларды қолдау құралдарын жақсарту бойынша тұрақты негізде жұмыс жүргізуде. Осылайша, Инвестициялар тарту жөніндегі кеңестің рөлі күшейтілді. Бұдан былай инвесторлар барлық қажетті рәсімді жеделдетілген және жеңілдетілген режимде өте алады. Республикалық инвестициялық штабтан бөлек өңірлік инвестициялық штабтар құрылды. Осы және инвестициялық ахуалды жақсартудың басқа да шаралары туралы ОКҚ алаңында өткен баспасөз мәслихатында ҚР ұлттық экономика вице-министрі Арман Қасенов айтып берді.