Балалардың жолдағы қауіпсіздігі басты назарда

Елімізде жол апаттарын тіркеу ережелерінің өзгеруіне қарамастан қабылданған шаралардың нәтижесінде бүгінде жол апаты жыл басында 75%-ға дейін өскен. Қазір апат санының өсу қарқыны 51%-ға дейін түсіп отыр. Жарақат алғандар саны жыл басында 91%-ға өскен, ал бүгінде бұл көрсеткіштің 63%-ға дейін төмендегені байқалып отыр. Жол апаттарында қаза тапқандар саны 8%-ға дейін төмендеді. Егемендік алған сәттен бастап ел автопаркі 2 млн-нан 5,5 млн-ға дейін, яғни 2,5 есеге артқан, ал халық саны 3,5 млн адамға көбейді. Қазақстан арқылы өтетін транзиттік көлік саны 3 млн-нан асып отыр. Бұл статистикалық мәліметтерді ҚР ІІМ Әкімшілік полиция комитеті төрағасы Қайсар Сұлтанбаев ОКҚ алаңында өткен баспасөз конференциясында хабарлады.