«Жобалардың инновациялық навигаторы» платформасы арқасында 2030 жылға дейін 222 мың жаңа жұмыс орнын ашу көзделген

Инвестициялық жобалар – жаңа жұмыс орындарын ашудың негізгі көзі әрі халықты жұмыспен қамтудың драйвері. Мемлекеттік инвестициялардың тиімділігін арттыру үшін жобаларды сапалы жоспарлау, оларды даму жоспарларымен және орнықты даму мақсаттарымен байланыстыру – маңызды аспект. Сондықтан инвестициялық жобалардың ұлттық жобалар мен тұжырымдамалардың іске асырылуына уақытылы мониторинг жүргізу, салалық мемлекеттік органдар мен жергілікті атқарушы органдар арасында үйлестіру жұмыстарын ұйымдастыру Министрліктің маңызды міндеті болып есептеледі. ҚР еңбек және халықты әлеуметтік қорғау вице-министрі Асқар Биахметов ОКҚ алаңында өткен баспасөз конференциясында осылай деп мәлімдеді.