Қазақстанда ЕАЭО сертификаттары мен декларацияларын онлайн ресімдеуге болады

Былтыр Қазақстанда Техникалық реттеудің ақпараттық жүйесі (е-КТРМ) енгізілді. Жүйе техникалық реттеу саласындағы барлық негізгі процесті автоматтандыруға және цифрландыруға арналған цифрлық платформа болып табылады. Оның көмегімен техникалық құжаттардың түпнұсқалығын тексеруге, сондай-ақ сертификаттауға электрондық өтінім беруге болады. Жүйеде 150 мыңнан астам белсенді қолданушы тіркелген. Бұл туралы ОКҚ алаңында өткен баспасөз конференциясында ҚР сауда және интеграция вице-министрі Әсет Нүсіпов мәлімдеді.