Кітап – алтын қазына

Қазір қазақстандықтар не оқиды? Біреулер классика, фэнтезиді таңдаса, басқаларының кітаптың бетін ашпағанына біраз болған шығар. Қоғамда оқу мәдениетін қалыптастыру үшін Мемлекет басшысы Қасым-Жомарт Тоқаевтың бастамасымен Қазақстанда Ұлттық кітап күні бекітілді. Биыл 23 сәуірде бұл мереке алғаш рет атап өтіледі. Ұлттық кітап күні қарсаңында біз 1,3 млн-нан астам кітап қоры бар ҚР Ұлттық академиялық кітапханасына барып, осы бай рухани мұраны сақтаушылармен әңгімелестік.