Жер ресурстарын ұтымды пайдаланудың басты проблемаларын шешуге бағытталған заңнамалық шараларға бастамашылық жасалды

Барлық мүдделі мемлекеттік органның үйлесімді жұмысының арқасында 3 жыл ішінде ауқымды жұмыс атқарылды. 9,5 млн га аумақта 4 731 жоспардан тыс тексеру жүргізілді. 6,3 млн га аумақта бұзушылықтарды жоюға 3,5 мыңға жуық ұйғарым берілді. Нәтижесінде мемлекеттік қорға 12,1 млн гектар жер қайтарылды. Қайтарылған 4,9 млн га жер қайта бөлінді: 1,9 млн га жалпы пайдаланымдағы жайылымдар үшін бөлінді, 3 млн гектар жер пайдаланушыларға конкурстық негізде берілді. ОКҚ алаңында өткен баспасөз конференциясында ҚР АШМ Жер ресурстарын басқару комитетінің төрағасы - ҚР жерді пайдалану және қорғау жөніндегі бас мемлекеттік инспектор Мұрат Теміржанов осындай деректерді келтірді.