Екібастұз алдағы жылыту маусымына қалай дайындалуда

Былтырғы жылыту кезеңінен кейін Павлодар облысында инженерлік инфрақұрылымды жаңарту басым бағыт болып табылады. Өңірдің жылу желілерінің жалпы ұзындығы – 1438 км, орташа тозу деңгейі – 82%. Облыстың үш қаласында 22 млрд теңгеге 52 км жылу желілерін салу, реконструкциялау және жөндеу жұмыстары жүргізілуде. Орталық коммуникациялар қызметінде өткен баспасөз конференциясында Павлодар облысының әкімі Асайын Байханов осындай деректерді келтіріп, Екібастұз қаласында алдағы жылыту маусымына дайындыққа баса назар аударылып отырғанын айтты.