Мемлекеттік органдардың 2026 жылғы 18-28 ақпан аралығындағы теріске шығаруларының жиынтығы
Фейк: e Gov порталы арқылы өтініш берген кезде әлеуметтік көмектің автоматты түрде тағайындалуы.
ҚР Еңбек және халықты әлеуметтік қорғау министрлігінің түсіндірмесі:Әлеуметтік көмек атаулы сипатқа ие және тек белгіленген мұқтаждық критерийлеріне сәйкес келген жағдайда ғана көрсетіледі. e
Gov порталы арқылы өтініш берудің өзі көмек тағайындауға негіз болып табылмайды.
Фейк: Жаңа Конституция жобасына байланысты демалыс пен жыл сайынғы ақылы еңбек демалысына құқығының күшін жою немесе шектеу.
ҚР Еңбек және халықты әлеуметтік қорғау министрлігінің теріске шығаруы:Еңбек заңнамасының қолданыстағы нормалары, оның ішінде жыл сайынғы ақылы еңбек демалысы кепілдіктері өз күшін сақтайды және Конституцияның жаңа редакциясының жобасына қайшы келмейді.
Фейк: Табысы 232 000 теңгеден төмен отбасыларға және белгілі бір аурулары бар тұлғаларға 432 500 теңге мөлшерінде біржолғы төлем тағайындау.
ҚР Еңбек және халықты әлеуметтік қорғау министрлігінің теріске шығаруы:Мұндай әлеуметтік төлем қолданыстағы заңнамада көзделмеген.
Ресми қолдау шаралары тек бекітілген нормативтік актілермен реттеледі.
Мұндай хабарламаларды алаяқтар азаматтардың дербес деректерін иемдену мақсатында таратады.
Фейк: ҚР Қорғаныс министрі Дәурен Қосановтың дипфейк технологиясы арқылы жасалған мәлімдемесі.
ҚР Қорғаныс министрлігінің теріске шығаруы:Бейнематериал дипфейк технологиясын қолдану арқылы жасалған, ал дауысы министрдің бұрынғы көпшілік алдында сөйлеген сөздері негізінде монтаждалған.
Фейк: Қазақстаннан сиыр етін экспорттауға тыйым салу.
ҚР Ауыл шаруашылығы министрлігінің теріске шығаруы:Бірқатар кәсіпорынның экспорттық нарықтарға шығу мүмкіндігі бар, сондай-ақ экспорттаушылар шеңберін кеңейту үшін квоталарды бөлу тетігін қайта қарау жоспарлануда.
Шектеулерді кезең-кезеңімен алып тастау Мал шаруашылығын дамытудың кешенді жоспары аясындағы кредиттік құралдар арқылы жүзеге асырылады.
Фейк: Зейнетақы қаражатын мерзімінен бұрын төлеу.
ҚР Еңбек және халықты әлеуметтік қорғау министрлігінің теріске шығаруы:2026 жылғы қаңтардағы зейнетақы төлемдері индекстеуді ескере отырып, алушыларға қаңтар айында аударылады.
Желтоқсан айының зейнетақысы толық көлемде төленеді.
Фейк: Дәрі-дәрмек бағасының жаппай өсуі.
ҚР ДСМ Медициналық және фармацевтикалық бақылау комитетінің теріске шығаруы:2025 жылдан бастап елімізде дәрілік препараттардың құнын қалыптастырудың ашықтығын қамтамасыз ететін мемлекеттік реттеудің жаңартылған тетігі жұмыс істейді.
Қазіргі таңда 4 994 аталым бойынша шекті бағалар белгіленген.
Қосымша ақпарат: ҚР Бас прокуратурасы референдум және жаңа Конституция жобасы бойынша қоғамдық пікірге сауалнама жүргізу тәртібіне қатысты түсіндірме берді.
ҚР Қаржы министрлігінің Мемлекеттік кірістер комитеті Whats
App, СМС және әлеуметтік желілер арқылы басшылық атынан таратылып жатқан алаяқтық хабарламалар туралы ескертті.
ҚР Ішкі істер министрлігі Петропавл қаласында теракт дайындалып жатқаны туралы жалған ақпарат таратқан тұлғаны анықтады.
Кәмелетке толмаған жасөспірім Telegram-арна ашып, сыныптастары арасында «қалжыңдау» мақсатында жалған мәлімет таратқан.
Терроризм актісі туралы көрінеу жалған хабарлау қылмыстық жауапкершілікке әкеп соғады, қазіргі уақытта тергеу амалдары жүргізілуде.
Жаңа Конституция жобасына қатысты негізгі фейктер мен манипуляциялар туралы толығырақ осы сілтемеден оқи аласыз.