Соңғы күндері әлеуметтік желілер мен мессенджерлерде жанармай бағасының кенеттен өскені, сондай-ақ Қазақстан мұнайының шетелде әуе отынын өндіруге пайдаланылып, ел ішінде тапшылық туындап жатқаны туралы ақпараттар қайта таралуда.
Ресми түрде мәлімдейміз: бұл ақпарат шындыққа сәйкес келмейді.
ҚР Энергетика министрлігі «Қаз
Транс Ойл» АҚ-ның Ферғана мұнай өңдеу зауытына мұнай жеткізуі туралы мәліметтерді жоққа шығарды.
Қазіргі уақытта бұл бағытта мұнай тасымалы жүзеге асырылып жатқан жоқ.
Сондай-ақ ЕАЭО аясында мұнай мен мұнай өнімдерінің ортақ нарығын қалыптастыруға байланысты «баға міндетті түрде күрт өседі» деген қауесеттер де негізсіз.
Бұл ретте, бағаны автоматты түрде теңестіру емес, 2027 жылдан бастап заңнаманы кезең-кезеңімен үйлестіру жөнінде сөз болып отыр.
Қазақстанда АИ-92 маркалы бензин мен дизель отынының бағасын көтеруге қатысты мораторий әлі де күшінде.
Жанармай бағасының күрт өсуі күтілмейді, жағдай мемлекеттің тұрақты бақылауында.
Мұндай жалған ақпараттардың таралу себептері
Ақпараттық толқындарды талдау көрсеткендей, олардың мақсаты қоғамды хабардар ету емес, керісінше алаңдаушылық сезімін қалыптастыру екенін көрсетеді.
Мұндай хабарламалардың ең жиі кездесетін мақсаттары: тапшылық пен тұрақсыздық туралы үрей туғызып, ажиотаждық сұранысты күшейту;
нақты деректерді жорамалдармен араластыру арқылы ресми ақпарат көздеріне деген сенімді әлсірету;
«шешімдер халықтың мүддесін ескерусіз қабылданады» деген пікір қалыптастырып, (бағаның өсуі, инфляция, «бәрі қымбаттайды») деген секілді қорқыныштарды манипуляциялық мақсатта пайдалану.
Айта кету керек, егер мұндай жарияланымдар «сараптамалық материал» немесе «ақпараттық шолу» ретінде ұсынылса, олардың әсері түсіндіруші емес, керісінше тұрақсыздандырушы сипатқа ие болуы мүмкін.
Мынаны ескерген жөн:ЕАЭО шеңберіндегі интеграциялық үдерістер ұлттық мүдделердің басымдығын жоққа шығармайды.
Баға саясатындағы кез келген өзгерістер алдын ала талқыланып, халықтың табыс деңгейін ескере отырып, кезең-кезеңімен енгізіледі.
Бүгінгі таңда жанармай бағасының салыстырмалы түрде төмен болуы – бір жағынан әлеуметтік қолдау шарасы болса, екінші жағынан тапшылық пен заңсыз («көлеңкелі») экспорттың алдын алу үшін мұқият теңгерімді талап ететін фактор.
Осыған байланысты, жанармай мен оның бағасы туралы тексерілмеген ақпарат тарату - бұл жай қателік емес, қоғамда алаңдаушылық тудыратын маңызды фактор болып табылады.
Сондықтан эмоциялық пайымдаулар мен негізсіз тұжырымдарға емес, тек ресми дереккөздерге сүйену аса маңызды.