Жалған ақпаратқа қарсы іс-қимыл орталығы 22 қыркүйекте қазақстандық бірқатар бұқаралық ақпарат құралдарында Қазақстан Өзбекстанға бензин экспорттап жатқаны жөнінде жалған ақпарат таралғанын тіркеді.
Сонымен қатар, ҚР Энергетика министрлігі бұл мәліметтердің шындыққа жанаспайтынын ресми түрде мәлімдейді.«Бүгінгі таңда Қазақстаннан Өзбекстанға немесе өзге де елдерге бензин экспорты жүзеге асырылып жатқан жоқ.
Ел аумағында мұнай өнімдерін әкетуге түбегейлі тыйым салынған.
Сондай-ақ Үкімет заңсыз әкету мен контрабанданың алдын алу жөніндегі жоспарды іске асыруда».
Орталық бұқаралық ақпарат құралдарын өз жұмысына анағұрлым жауапкершілікпен қарауға және Қазақстан азаматтарының шынайы ақпарат алу құқығын құрметтеуге шақырады.